Kryeministri i vendit, Ramush Haradinaj, ka reaguar pas tragjedive në komunikacion, ku vetëm dje dhe sot, humbën jetën tre persona.

Përmes një postimi në Facebook, Haradinaj ka apeluar tek qytetarët që këto ditë të festave mos të shkaktojnë dhimbje. Ai apel u ka bërë edhe Policisë së Kosovës që të jenë vigjilent dhe të pakompromis ndaj atyre që shkelin rregullat e trafikut.

Shkrimi i plotë i Haradinajt në Facebook:

Me shqetësim dhe dhimbje të thellë po i pranoj lajmet për tragjeditë në komunikacion, ku po humbim të rejat dhe të rinjtë tanë. Apeloj te çdo qytetar që këto ditë feste të mbani gëzim e lumturi e jo të shkaktoni dhimbje. Apeloj Policinë e Kosovës të jenë vigjilent dhe të pakompromis ndaj atyre që shkelin rregullat e komunikacionit dhe sigurinë. Qytetarë dhe policë të mobilizohemi bashkë që të mundim tragjeditë nga trafiku.

Lexo më shumë në: https://www.gazetaexpress.com/lajme/tragjedite-ne-komunikacion-reagon-haradinaj-313-610677/?utm_source=referral&utm_medium=web&utm_campaign=copyright